قبل الوداع ..

أقيف قبل الوداع ابكيك
واقيف ذاتك تباكيني ..
فما ادراك بعد ترحل
تلم اقدار حياتنا الناس ..
الاقيك او تلاقيني ..
..
اقيف شيل الأماني معاك
كفاي بعدك دموع عيني
كفاي درب النجوم ابراك
واظل واقف محل يوم داك
صدا صوتك يناديني ..
وبراي ابكيك تلوت الليل
اقوم مخلوع ورا طيفك خيالاتك تزازيني ..
.....
حرام ترحل مع الأيام
تسيبني برايا مستني ..
متين تصدح بلابل الروح .. ! (دي قاصدا الروح )
تضج بيك دنيتي الصِنِي .. !!
حرام يسرح عميرنا يروح
اعيشو وراكا متمني
عبير زهر الأماني يفوح
اعيش لحظاتي في الجني
...
خلاس مادام نويت يلاك
علي الفرقة ونموت بالشوق
شنو البعد الفراق ح يظل
بلا الآهة وانين القوق
حلف بعدك اتاقي هواي
واسد باب الفرح بي طوق
وعشان كل الأراضي البور
علي الغايبين تفرهد شوق
نويت شتيت حنيني هناك
علي البلد الحزين ماروق