يا الله وين خاتم الـمنى

يا الله وين خاتم الـمنى

في رمشة العـيـن الأبـت بالـشـوق تـنـوم القــــاك هـنا

ارقـد عـلي حضـنـك انوم تملاني ريـد امـــــلاك غـنا

مـا انتـي يا بحر الشـعـاع الشمـسـو غـابـت مــن سنه

لـسع بيغـسل قلـبي نـور يشـــــرقـني يـا ضي الـهـنـا

يـا الـقـمـره ويـن السـنسـنه

لا حــــتي فـي طـرق الــشـعـاع المن زمـان فـوقـك بـنا

هي اقـلـبي الصـفحه الـعلي الـسماء مـن هـناك مادام هنا

زولي الـــــبدي الدنـــيـا نـور ضلــــــم رحيلـوا الأمكنه

تراهو زي ما الطيف يمر الليل يمر اليوم يمر والعام يمر

وانـا فـي الدريـب الفـتـا بيـهـو ألــم اتــر قـدمـك واصــر

ارجي المسافريـن وانشـدن هـوي فـي المـدن مـا شفتـوا

زول شــايــل بـشـاشات الــفـجــر ؟

مـزج الصباحـات بالمغيـب لـون خــدودوا مــن العـصـر

وآه يـا بـيـوت لا دقــه بــاب لا فــات حيطـنـا العنكـبـوت

وانا لسه راقد في الرصيف

راجـــيـــك تــقــيــف قـــدامـــي قـــبـــال مـــــا امـــوت

دنيـا مــن بـعـدك يـبـاس ينـشـرا فــي الـوديـان سـكـوت

يــا الله يــوم كــدي بالنـهـار فـــرح الـمـواسـم نـفـرعـوا

صـوت القـطـارت مــن بعـيـد فــوق الفلنـكـات نسمـعـوا

اشواقـنـا والـنـاس الـزمـان وكــل المسافـريـن يرجـعـوا

الـمـح حبيـبـي انــا مــن بعـيـد يهـجـم قليـبـي ويقطـعـوا

حـزن السنيـن الفينـا سـاد انـا وانتـي سـوا سـوا نقلعـوا